خوەنینەوەیگ لە جەنگ ئۆکرانیا: راسى و ئەنجام و پیشبینیەیل

ئیشراق

جۆن میرشایمەر، زانای سیاسی ئەمریکی، خوەنینەوەیگ دویرو دریژ سەبارەت وە جەنگ ئۆکرانیا کرد، و لەتى هووکار شکست هێرش دژە هێرش شیەوکرد، هەرلەیوا پوختەى جەنگ وەردەوام لەورا و ئایندەگەیشى خستەڕوێ وەگوورەى دید و مەزەنەى خوەى.

میرشامەر لە خوەندنەوەگەى باس لەوە کرد ک دژ هێرش ئۆکرانیا وەشیوەیگ نەگبەتانە شکست هاورد، هەرلەیوا سوپاى ئۆکرانیا پیشکەفتن وەدەس ناوردگە، و هیمان ئەو ناوچەیلە ک وەپى وتریەید " ناوچەى خوڵەکوویى" نەوڕیە، ک ئەو شریتە زەوییە لەوەردەم یەکەمین کەفتگە خەت سەرەکى وەرگریەیل روسیا، وە ئشارەتداین وە ئەوەگ هیزەیل ئۆکرانیا زەرەد فرەیگ وەپیان کەفتگە، هەر نۆ لیوا شانازیى ناتۆ ک ئەرا هێرش دژە هێرش چەکدارى کردنەو مەشق وەپى کردگە، وەشیوەیگ خراو لە بەرەیل جەنگ جایریانە.

ئەو زاناى سیاسیە باوەڕ خوەى خستەسە روێ ک دژ هێرش ئۆکرانیا هەر لە سەرەتاوە مەحکوم بویە وە شکست، ئەویش تەوزیحى داگە ک پیکهاتەى هیزەیل هەردوگلا و ئەوەگ سوپاى ئۆکرانیا ئەراى هەوڵ دەید، وەل فامستن لە مێژوو جەنگ زەمینى ئاسایى، ئەوە پشتڕاس کەیدەوە نزیک بوى ک هویچ شانسیگ نەوى ئەرا هیزەیل هێرشبەر ئۆکرانیا ئەرا شکست وەپى هاوردن هیزەیل وەرگرى روسیا و رەسین وە ئامانجە سیاسیەگانى.

وە قسەى ئەو زانا، ئۆکرانیا و لایەنگرەیل روژئاوایى ئومید خواستنە ک سوپاى ئۆکرانیا بتویەنید ستراتیجى کلاسیکى بلیتزکریگ جیوەجى بکەید ئەرا ئەوەگ لە جەنگ پەرتبوین قورتارى بوود ک خەریک خاپوورکردنى بوى.

میرشایمەر زیاتر شییەوکرد، ستراتیجى کلاسیکى بلیتزکریگ داواى فڕەداین کونایگ گەورا کەید لە خەتەیل وەرگرى روسیا، دویاى ئەوەیش وە قویلى رانستن ئەرا ناو خاک ژیر کۆنترۆڵ روسیا، نەک تەنیا دەس وەبان خاکدا بگیریەید لە ریگەوە، بەڵکوو لەلیداین چەقوو لە سوپاى روسیا.

ئشارەت وەیەیش کرد، سەرکردەیل رووژئاوا و میدیایەیل سەرەکى فشار فرەیگ خستنە بان کێیڤ ئەرا دەسوەپیکردن هێرش دژە هێرشەگە، تەنانەت دویاى ئەوەگ هێرش دژە هێرشەگەیش لەرزووک بوى، و فرەیگ لە گەشبینەیل وەردەوام بوین لە چەسپانن وەو ئومیدە ک لە کووتایى سەرکەفتگ بوود، وە چەواسەوە فرەیگ لە رووژئاوا هس وە ئەوە کەن ک هیرش دژە هێرشەگە شکست هاوردگە، و ئۆکرانیا مەحکومە، و بایەسە جەنگیگ پەرتبوین بکەید ک باوەڕ نیەکریەید سەربکەفید.