ئومیدیگ تازە ئەرا گشت نابینایەیل... چەویگ ئەو چەوەگەى تر خاسەو کەید

ئیشراق

لە دەسکەفتیگ گرنگ زانسى،  توێژەرەیل ئەمریکى تویەنستن دیدەنى ئەرا ئەو نەخوەشەیلە بارنەوە ک چەویان تویش هاتگە، ئەویش وە وەکارهاوردن خانەیل بنەڕەتى خوەیان لە چەوە خاسەگەیانەوە.

لە توێژینەوەیگ ک لە گۆڤار Science Advances بڵاوکریاسەوە، زانایەیل ئەڕایان دەرکەفتگە ک چارەسەریگ خەباتکارانەى خانەیل بنەڕەتى ک وەپى وتریەید کاڵین خانەیل پوشش لیمباڵ ئۆتۆلۆگش سەلامەتە و لە ماوەى کەمیگ وە خاسى وەرگە گرید لە چوار نەخوەش ک سزیان کیمیاى گەورە لە چەویگیان بویە.

باس لەوەیش کریاگە تیم زانستى چەودیریکەر نەخوەشەیل ئەرا ماوەى 12 مانگ چەودیرى ئەو چوار نەخوەشە کردنە ک روێ قەرەنییان هاوردنەسەوە، ئەویش دویاى ئەوەگ دووان لەلیان نەشتەرگەرى کاڵین قەرەنى ئەڕایان کریاگە، وەلێ ئەو دووانەگەى تر خاسەوبوین فرەیگ لە دوینستنیان وەدەس هاتگە وەبى ئەوەگ چارەسەر زیایە وەربگرن، جوور ئەوەگ بەحسەگە باس لەلى کردگە.