مەترسیەیل قەوارەى زایۆنى لە لێدوانەیل سەید حەسەن نەسروڵڵا

ئیشراق

جەنراڵ ئسرائیلى لە یەدەگ "یەستحاق بریک" وت: ئسرائیل مەترسى فرەیگ دیرید لەبارەى رەفتارەیل بى وینەى ئەمیندار گشتى حزبوڵڵا سەید حەسەن نەسروڵڵا.

وەگوورەى رووژنامەى "مەعاریف" زایۆنى، بریک جەخت لەوە کرد ک "ئسرائیل" دامەزریاگەیل ئەرا جەنگ هەرێمى دروس نەکردگە، و باس لەوەیش کرد ئسرائیل مەترسى فرەیگ دیرید لەبارەى رەفتارەیل بى وینەى ئەمیندار گشتى حزبوڵڵا سەید حەسەن نەسروڵڵا.

لەى رویەوە فکر خریاسە لاى لێدوانەیل سەرۆک بەش هەواڵگرى سەربازى ئسرائیلى، ئەهارون حەلیف" ک وتیاد: سەید حەسەن نەسروڵڵا فرە نزیک بوى لە ئەنجامداین هەڵەیگ ک تواس ناوچەگە بوەید وەرەو جەنگ گەورایگ.

بریک وت: لێدوانەیل جەنراڵ ئسرائیلى "هیرتزى هالیفى" لە دوو رووژ گوزەیشت ئەوە دەرخەید ک رویداگەیل وەردەوام بەڵگەن لەبان ئەوەگ سوپاى ئسرائیلى ترسیاگەو فرەیش نیگەرانە لە لێدوانەیل سەید حەسەن نەسروڵڵا.

باس لەوەیش کرد ک ئسرائیل ئامادەس ئەرا جەنگ لە حاڵ حازر، و ئەگەریش لەى جوورە رویداگیگ کەفتەوە ئەوە رووژانە هەزاران مووشەک وەشنریەید ئەرا بان ئسرائیل و ئاگر لەتى کەفیدەوە.

یەیش لەوەختیگە سەید نەسروڵلا لەى دویاخرە وت: ئسرائیل ئمڕوو خوەى لە پشت دیوارەیل و ئاگرەیل شاردەسەوە و خەریکە تواناى لەدەس دەید لە فەرزکردن مەرجەیلى لە هەر دانیشتنیگ وەل مللەت فلستینى.