ئەمیر عەبدولەهیان جەخت لە هەوڵەیل وەزارەت خارجیە کەید ئەرا ئاسانکارى کلکردن حاجیەیل ئیرانى

ئیشراق

وەزیر خارجیەى ئیرانى حسێن ئەمیر عەبدولەهیان، جەخت لە هەوڵەیل ئى وەزارەتە کرد ئەرا ئاسنکارى کلکردن حاجیەیل ئیرانى ئەرا ئەنجامداین فەریزەى حەج لە ئمساڵ جوور رەمز ئەرا هاوکارى ئسلامى و یەکگرتگەى ئسلامى.

لە دانیشتنیگ هاوبەش وەرپرسەیل حەج و زیارەت و وەزارەت خارجیە باوەتەیلیگ پەیوەس وە حەجکردن ماڵ خودا ئەرا ئمساڵ تاوتوێ کریا.

لەى دانیشتنە ک ساوکریا وە ئامادەبوین حوجەتولئسلام سەید عەبدولفەتاح نواب نوێنەر فەقی لە کاروبار حەج و زیارەت، و سادق حسەینى سەرۆک ریکخریاگ حەج و زیارەت و گەورا وەڕیەوبەریەیلیگ ریکخریایەگە، بەشداربویەیل گوزارش لە ئسراحەتى خوەیان کردن ئەرا پرووسەى تۆمارکردن و کلکردن حاجیەیل ئەرا مال خودا ئەرا ئەنجامداین حەج.

 جى باسە، وەزیر خارجیە لەو دانشتنە باس لە هەوڵەیل وەزارەتەگە کرد لەوەر ئاسانکارى کلکردن حاجیەیل ئیرانى ئەرا ئەنجامداین فەریزەى حەج جوور رەمزیگ ئەرا هاوکارى ئسلامى و یەکگرتگى ئسلامى.