28/05/2023
ڤیدیۆ 46 جار بینراوە
مالکى جەخت لە خواست پەلەکردن کرد ئەرا تەواوکردن پرووژەیل گرنگ لە دویاى جیگیرکردن بودجە
ئیشراق
سەرۆک ئئتلاف دەوڵەت یاسا نورى مالکى، جەخت لە خواست پەلەکردن کرد ئەرا تەواوکردن پرووژەیل گرنگ لە دویاى جیگیرکردن بودجەى گشتى ئتحادى.
وەگوورەى نویسینگەى ئعلامى سەرۆک ئئتلاف دەوڵەت یاسا، مالکى لە بارەگاى خوەى لە پاریزگاى کەربەلا پیشوازى لە وەزیر ئاوەدانکردنەوەو نیشتەجیکردن و شارەوانیەیل و ئەشغاڵ گشتى بەنگین رێکانى کرد وەئامادەبوین پاریزگار کەربەلا نسەیف جاسم ئەلخەتابى و شمارەیگ لە وەرپرسەیل لە پاریزگاگە.
وتیش: لەو دیدارە باس لە پلانەیل وەزارەتەگە ئەرا ماوەى ئایندە کریاگە، و شمارەیگ لەو پرووژەیلە خریاسە روێ ک تایبەتە وە کەرت نیشتەجیکردن و شارەوانیەیل لە وڵاتەگە وەتایبەت لە پاریزگاى کەربەلاى پیرووز.
جى باسە، هەر لەو دیدارە مالکى جەخت لە خواست پەلەکردن کرد ئەرا تەواوکردن پرووژەیل گرنگ لە دویاى جیگیرکردن بودجەى گشتى ئتحادى، لەوانەیش پرووژەیل پیەڵ و ریگەوبان و پرووژەیل ئاو و ئاوبەرە.