28/05/2023
ڕاپۆرت 78 جار بینراوە
سوڵتان عومان لە ئیران: فەرەج گەورایگ هەس لە مەلەفەیل هسیار
ئیشراق
وەرجە نزیکەى 40 ساڵ، سەڵتەنەى عومان دەور تاریخییگ نیشاندا لە ناوەندگیرى لەناونى تەهران و خوەرئاوا، ئى مەسەلەیشە نیشانەیل رەمزى پڕ گرنگى دیرید لەروێ سەردانەیل پرۆتۆکۆڵى لەناونى دەوڵەتەیل. وەتایبەت ک مەسقەت مقەیەتى لە پەیوەندیەیل خاسیگ کرد وەل تەهران لە ئەوپەڕى ململانى ئیرانى خەلیجى.
پایەى ناودەوڵەتى و هەرێمى عومان بیجگە سیاسەتە خارجیەگەى وەگوورەى ناوەندگیرى لەناونى دەوڵەتەیل لە مەلەفەیل هسیار هەرێمى و ناودەوڵەتى، کارى ئەوە بوى ک مەلەفەیل هەڵواسریاگ باریدەوە ک پیشبینى کریا تاوتوێ بکریەید لە سەرانەگە وەرەو وەردەوامى لە ریڕەوەگەى، وەتایبەت لە گەرماى بەسیان دانیشتنەیل نەوەوى ناونى ئیران و ولایەتەیل یەکگرتگ ئەرا کاراکردنەوەى ریککەفتن نەوەوى.
بریگ لە مەلەفەیل لەبان مێز گفتگوو لەناونى سوڵتان هەیسەم بنن تارق ئال سەعید و ناونى ئیبراهیم رەئیسى ک لە سێ ئاستە:
- ئاست یەکەم پەیوەندیەیل هاوکارى سیاسى و ئەمنى و سەربازى و ئابوورى ناونى هەردوگ وڵاتە.
- لەبان ئاست هەرێمى لەڕوێ دەور دانەوڕیاگ عومان لە داوەزانن ئاست گرژیەیل لە خەلیج و دەریاى عومان و تەنگ هورمز.
- سێیەم ئاستیش دەور تاریخى عومانە لە دانیشتنەیل نەوەوى ئیران وەل کۆمەڵەى ناودەوڵەتى.
