27/05/2023
سیاسی 118 جار بینراوە
دیارترین قسەیل سەرۆک ئەنجومەن وەزیرەیل محەمەد شیاع سودانى لە کۆنگرەى "ریگەى گەشەوەپیداین"
ئیشراق
سەرۆک ئەنجومەن وەزیرەیل محەمەد شیاع سودانى جەخت لەوە کرد ک ریڕەو گەشەوەپیداین خەتیگ ژیان ئابورییە و دەرفەتیگ ئومیدبەخشە ئەرا گردبوینەوەى بەرژەوەندیەیل و تاریخ و کەلتوورەیل.
سەرۆک ئەنجومەن وەزیرەیل لە وتارەگەى لە کردنەوەى کۆنگرەیگ ریڕەو گەشەوەپیداین وت: وەخێرهاتن وەفدەیل بەشداربوى کۆنگرەى ریڕەو گەشەوەپیداین کەم، وجوود ئیوە لە بەغدا بەشیگە لە چارەسەرەیل و ئشارەت وە یەیش کرد ک دەیان ساڵە ناوچەگەمان روێ وەڕوێ وەربەش فرە چەشنە بویەسەوە ک دریژ بویەسەوە ئەرا کیشەیل فرەیى.
جەختیش لەوە کرد ک وەربەشەیل ئاسان بوون ئەرا هاوکارى و یەیش ئەوەسە ک ئیمە لە وەرپرسەیل رەسیمنەوە، باس لەوەیش کرد ک ریگەى گەشەوەپیداینیش پلانیگ گەورا مەبەس و وەئەنقەزە ئەرا ئاڵشتکردن بارودوخ پیکهاتەیگ ئابوورى وەپى رەسى.
وتیش، ئیمە لەبان وەربەس کلیل روێ وەڕوێ بوینەوەى ئەو کاریگەریەیل وسیایمنە کە وە ریگەى گەشەسەندن گوزەر کەن و یەیش دەرخست ک ریگەى گەشەکردن خوینبەریگ ئابورییە و دەرفەتیگ ئومیدبەخشە ئەرا لەیەکنزیکبوینەوەى بەرژەوەندیەیل و تاریخ و کەلتوورەیل.
ئاشکرایشیکرد، ئى حکومەتە خوەى دیاریکردگە کە وەگوورەى ئەولەویەتەیل دپیەکەوکردن لە هەوەجەیل راسەقینەى مللەت عیراق وەرەو نوا بچوود و وت: ئیمە ئی کۆنگرە لە ریگەى لەیەکڕەسینەوەیگ بنیاتنەرەوە وەل سەرکردەى وڵاتەیل براو دووسمان دامەزرانیمە.
لە دریژەى قسەیلى وت، ئیمە وەردەوامیم وەل گشت چشتیگ ک خزمەت وە مللەتەگەمان کەید و دەروازەیل پەیوەندى وەل هاوساى جوگرافى و دریژکردنەوەى کەلتوورى زیاى کەید.
