27/05/2023
ڤیدیۆ 52 جار بینراوە
مالکى داواى یەکڕیزى کەید ئەرا بەشداریکردن لە هەڵوژاردنەیل ناوخوەیى
ئیشراق
سەرۆک ئئتلاف دەوڵەت یاسا نورى مالکى، داواى یەکڕیزى کرد ئەرا بەشداریکردن لە هەڵوژاردنەیل ناوخوەیى ک بریارە لە کووتایى ئمساڵ ئەنجام بگرید.
مالکى لە وتاریگى لە میانەى گردەوبوینیگ مەردمى و عەشایرى گەورا ک لە پاریزگاى کەربەلاى پیرووز ئەنجام دریا، وت: ئى کۆنفرانس و گردبوینەوەیلە گرنگە لەوەر ئەوەگ مەودایەیل نزیکەو کەید هانداین ئەوانە تونترەو کەید دژ ئەو کەسەیلە ک خراوى ئەرا ئیمەو عیراق خوازن.
وتیش: سەروەرى عیراق پاشیل کریاوید و تویەنستیم باریمنەوەى و قورتارمان بوى لە بڕگەیل فەسڵ هەفتەم ک عیراق وە هووکار کەفتنى وە ژیر سەرکیشیەیل رژیم بەعس گوڕ وە گووڕ ئمزاى کرد، و سەرکەفتیم لە هاوردنەوەى عیراق و گردەوکردنى لە مەسەلەى تایفى ک رویدا، لەڕى پرووژەى ئاشتەوایى نیشتمانى، ک عەشایر و سەرۆک هووزەیل رەسەن هەڵویست ئاشکرا لەتى داشتن، و ستایش عەشیرەت جبور کرد چوینکە یەکەم عەشایریگ بوى دەسپیشخەرى جواودانەوەى پرووژەى ئاشتەوایى نیشتمانى کرد، و دویاخریش باقى عەشایریەیل تر رەسەن عیراقى.