ئیران یاداشتیگ هاوکارى نەفتى وەل بیلاڕوسیا ئمزا کرد

ئیشراق

وەزیر نەفت ئیرانى جەواد ئەوجى و وەڕیەوبەر جیوەجیکار کۆمپانیاى "بانەفت خەیم" نیشتمانى بیلاڕووسى" ئەندریە ریباکۆف"، یاداشتیگ هاوکارى لە کەرت نەفتى و پترۆکیمیاوى ئمزا کردن.

ئمزاکردن ئەو یاداشت هاوکارییە لە ئیوارەى دویەکە سێشەممە ئەنجام گرت لە چوارچیوەى سەردان جیگر سەرۆک ئیرانى محەمەد موخبر ئەرا "مینسک" پایتەخت بیلاڕووسیا.

جى باسە، ئى یاداشت ئمزاکریاگە تایبەتە وە هەناردەیل خزمەتگوزارى هونەرى و ئەندازیارى ئەرا کەرەستەیل نەفت و بەرهەمەیل پترۆکیمیاوى ک بیلاڕوسیا هەوەجە وەپى دیرید، و دوینستنەوەى هاوکارى لە بوار تەکنۆلۆجیا و مقایزە و دویاخیش ئاڵشت بوود ئەرا ریککەفتن جیوەجیکارى لە ماوى نزیکیگ.