"نیویۆرک تایمز": دریژیی جەنگەگە زەرەد ئابوورى ئەرا "ئسرائیل" زیاى کەید

ئیشراق

جەنگ ناونى "ئسرائیل" و مقاومەکارەیل فلستین لە غەززە هەڕەشەى ئاژاوەچێتى لە سەرتاسەر ناوچەگە کەید، وەل زیایبوین ئەگەرەیل ئەوەگ ئەرا ماوەیگ دریژوەختبەر وەردەوام بوود و فراوانتر بوود ئەرا ئەوەگ لایەنەیل تریش بگریدەوە، یەیش دویر نییە بوودە هووکار خراوتربوین ئاژاوەى ئابوورى، بیجگە ئەوە ویرانکەریش بوود.

ئەرا غەززە دڵنیاس ک ململانییگ فراونتر بارودوخ ئنسانى لە ئیسەوە خراوتر بوود لە کەرتەگە، وەلى مەسەلەگە جیاوازە لە ئسرائیل ک پیشبینى کریەید روێ وەڕوێ زەربەیگ تازە بوودەوە لە ئابووریەگەى، ک تا ئى دویاخرە جوور یەکیگ لە سەرکەفتگترین مۆدیلەیل ئدارى تەماشا کریا، جوور ئەوەگ "نیویۆرک تایمز" لە راپۆرتیگ بڵاویەو کردگە.

سندووق دراو ناودەوڵەتى لە وەپیاچگنەوەى ساڵانەى خوەى لە مانگ ئاب گوزەیشت ئاشکراى کرد، ئابوورى فلستین وە هووکار وەردەوامى فەقیرى و بەرزى ریژەى بیکارییەوە زەرەد گەورایگ وەپى رەسیە، یەیش لەوەختیگ ئشارەت وە ئەوەیش کریاگە ک دریژیی جەنگەگە زەرەد ئابوورى ئەرا "ئسرائیل" زیاى کەید.