مەترسیدارترین تیرۆریست لە سەڵاحەدین دەسگیر کریا

ئیشراق

دەزگاى ئاسایش نیشتمانى ئاشکراى کرد، هیزیگ تایبەت سەر ە دەزگاگە تویەنست یەکیگ لە مەترسیدارترین تیرۆریستەیل سەر وە داعش لە پاریزگاى سەڵاحەدین دەسگیر بکەید.

دەزگاگە لە بەیاننامەیگ وت: لە ئەنجام پرووسەیگ تایبەت ئەرا دوینستنەوە و دیاریکردن پاشمەندەیل داعش و گرووپەیل خەفتگ، هیزیگ سەر وە دەزگاگەیان دویاى گردەوکردن زانیارى هویرد و ئەنجامداین دپیەکەوکردن، یەکیگ لە تیرۆریستەیل مەترسیدار وەناو (ئەبو تارق)ک پۆست پەیوەندیەیل داعش و سەرپەرشتى بڵاوکردنەوەى زانیارى لەبان چالاکیەیل داعش و دوینستنەوەى ئاراستەکردن شانەیل خەفتگ داشتگە، دەسگیر کرد.

ئشارەت وەیەیش کرد، لە میانەى لێکۆلینەوەیل تەمەتبارەگە دگان وە ئەوەیا ناگە ک سەر وە گرووپ تیرۆریستى داعشە و پەیوەندى راسەوخۆ داشتگە وەل وەناو وەرپرس ئابوورى و فەرماندەى بڕین تیرۆریستى جەوەڵ حەمرین ناسریاگ وە (مونتەسەر سامەڕایى) و هەڵگر ئۆپراسۆنەیل جیوازکردن و پشتگیرى لۆجیستى ئەرا باندەیل تیرۆریستى ئەنجامداگە.

باس لەوەیش کرد، تیرۆریست تومەتبار ئەبو تارق سەر وە خیزانیگە ک فکر تەکفیرى لەتیان فراوانە و گشت برایەیلى سەر وە گرووپەیل تیرۆریستین و زوورمیان لەوەخت ئۆپراسیۆنەیل ئازادکردن ناوچەیل دەسوەسەرگیریاگ لەلایەن هیزەیل ئەمنییەوە کوشیانە.

جى باسە، دویاى دگان وەپیا ناین سەرەتایى تمەتبار و ئەو زانیاریەیلە ک پیشکەشى کرد، پەلاماریگ ئاسمانى ئەرا بان یەکیگ لە شوونەیل نهێنى گرووپەیل تیرۆریستى لە ناوچەى ئەلحەیس لە چوارچیوەى پاریزگاى سەڵاحەدین ئەنجام دریا و لەتى هەیشت تیرۆریست داعش کریانە ئامانج و بەشیگ لەلیان کوشیان.