ئاسایش نیشتمانى: قەورسانیگ شەهیدەیل دەزگاى ئەمنى لەتى بوى لە فەلوجە دوینریاوە

ئیشراق

دەزگاى ئاسایش نیشتمانى، ئاشکراى دوینستنەوەى قەورسانیگ لە فەلوجە کرد ک شەهیدەیل دەزگاى ئەمنى ها لەتى.

وتیش: لەڕى هەوڵ هەواڵگرى و چەودیری باقى پاشمەندەیل چەتەیل داعش تیرۆریستى و وەگوورەى زانیاریەیل هویر، مەفرەزەیل ئاسایش نیشتمانى لە باکوور بەغدا پرووسەیگ جوورایەتى ئەنجام دان وە هاوبەشى وەل وەڕیەوبەرایەتى ئاسایش کەرکوک، و لەتى تیرۆریستیگ کەترسیدار وەناو (ئەبو قوسەى) دەسگیرکریا وەگوورەى ماددەى (4) تیرۆر ک داواکریاگ بویە، و لەوەخت ئیفادەداینى دگان وە وجوود قەورسانیگ کردگە ئەرا شمارەیگ لە شەهیدەیل لە کارمەندەیل دەزگایەیل ئەمنى و هاووڵاتیەیل مەدەنى ک لەساڵ 2015 وەدیل گریاوین لەلایەن تیرۆریستەیل داعشەوە.

وتیش: تومەتبارەگە بریاگە و شوون قەورسانەگە وەپى ئاشکرا کردنە لە قەزاى گەرمە – فەلوجە، ک ماڵیگ بویە و وەکار هاوریاگى ئەرا زیندان و سزاداین و کوشتن مەردم بیتاوان.