16/10/2023
ئقتصادى 55 جار بینراوە
وەزیر نەفت ئاشکراى کاراکردن سێ عەقد وەل ئەلهیلال ئیماراتى کرد
ئیشراق
جیگر سەرۆک وەزیرەیل ئەرا کاروبار وزە وەزیر نەفت حەیان عەبدولغەنى، ئاشکراى سێ عەقد کرد وەل کۆمپانیاى ئەلهیلال ئیماراتى لە چوارچیوەى گەشت مووڵەتەیل پەنجەم ئەرا وەبەرهاوردن غاز وە بڕ "400" ملیۆن پاى سێجاى پەیمانەیى لە سەرچەوەیل (خەشم ئەلئەحمەر، کلابات، خزر ئەلماى).
وەزارەتەگە وت: یەیش لە ئمزایگ هاتگە لەبان کاراکردن عەقدەیل ئەرا ئەو سەرچەوە و شوونەیل ناوبریاگە، و جەختیش لە ریککەفتن کرد وەل ئەلهیلال ئیماراتى لەبان تەواوکردن پرووسەى پەرەداین و وەبەرهاوردن لە ماوەى تەواوکردنیگ گورج ک ساڵ و نیمیگە.
عەبدولغەنى وت: حکومەت و وەزارەتەگە پەرووشن لەبان زیایکردن وەردەوام وەبەرهاوردن غاز لەڕى جیوەجیکردن پرووژەیل وەبەرهاوردن ئەرا پەرەداین وە سەرچەوەیل و شوونەیلیگ دوینریاگ لە چوارچیوەى گەشت مووڵەتەیل پەنجەم ک عەقدەیلى ئمزا کریاس وەل کۆمپانیایەیل سەرکەفتک لە ئامادەکارى لە شوبات گوزەیشت 2023.