14/10/2023
أمن 126 جار بینراوە
هەواڵگرى سەربازى ئاشکراى گرتن 9 تیرۆریست داعش لە شەش پاریزگا کرد
ئیشراق
وەڕیەوبەرایەتى هەواڵگرى سەربازى، ئاشکراى گرتن 9 تومەتبار وە تومەت تیرۆر کرد سەر وە چەتەیل داعش تیرۆریستى لە شەش پاریزگا.
وەگوورەى بەیاننامەى وەڕیەوبەرایەتیەگە، لە پرووسەیلیگ جورایەتى جیاجیا و هەوڵەیل گەوراى هەواڵگرى و وەگوورەى زانیاریەیل هویر بەش فەرماندەیى ئۆپراسیۆنەیل میشان و فرقەیل ( ٨ و ١٠ و ١١ و ١٤ و ١٦ و ١٧ ) سەر وە وەڕیەوبەرایەتى هەواڵگرى سەربازى و لەڕیگەى کەمینەیلیگ قایم لە ناوچەیل جیاجیا لە پاریزگایەیل (بەغدا و ئەنبار و کەرکوک و نەینەوا و میسان و سەڵاحەدین)، تویەنریا (9) تومەتبار وە تومەت تیرۆر و وەگوورەى خاڵەیل ماددەى چوار لە یاساى دژە تیرۆر لە قەزاى رومادى و فەلوجە و گەرمە و دبس و کەحلا و موسڵ و شەرقات و داقووق و ناحیەى ئەلڕەشید دەسگیر بکریەن ک کار وەل چەتەیل تیرۆریستى داعش کردیان.
ئشارەت وەیەیش کرد، گشت ئەو تومەتبارەیلە رادەس وە لایەنەیل پەیوەندیدار کریانە لەوەر تەواوکردن ریوشوونەیل یاسایى دەرهەقیان.