دۆلار وەرانوەر دینار عیراقى لە بەغدا و هەولێر داوەزى

ئیشراق

نرخەیل دۆلار روێ لە داوەزین کرد لە بازاڕەیل بەغدا، و لە هەولێر پایتەخت هەرێم کوردستان.

نرخەیل دۆلار وەل وازکردن هەردوگ بۆرسەى کفاح و حارسیە هەر 100 دۆلار 162100 دینار تۆمار کرد.

نرخ فرووشتنیش لە دوکانەیل سەرفکردن لە بازاڕەیل ناوخوەیى لە بەغدا داوەزى و هەر 100 دۆلار 163000 دینار عیراقى تۆمار کرد، و نرخە سەندنیش ئەرا هەر 100 دۆلار 161000 دینار عیراقى تۆمار کرد.

وەلێ لە هەولێر نرخ فرووشتن هەر 100 دۆلار رەسیە 160900 دینار، و نرخ سەندنیش 160800 دینار عیراقى ئەرا هەر 100 دۆلار تۆمار کرد.