پاریزگار بانک ناوەندى: دەسکارى کووتایى خەیمنە بان ستراتیجییەت قەرزداین

ئیشراق

پاریزگار بانک ناوەندى عەلى ئەلعەلاق، جەخت لە دەسکارى کووتایى لەبان ستراتیجییەت قەرزداین کرد.

وەزارەت خارجیە لە بەیاننامەیگ ک ئشراق ئاگادارى بوى، وت: جیگر سەرۆک ئەنجومەن وەزیرەیل و وەزیر خارجیە فوئاد حسێت، سەرۆکایەتى سییەمین دانیشتن ئەنجومەن وەزارى ئەرا ئابوورى کردگە، وە ئامادەبوین جیگر سەرۆک وەزیرەیل وەزیر پلاندانان، و وەزیرەیل دارایى و  پیشەسازى و بازرگانى و کار و کاروبار کۆمەڵایەتى و ئەمیندار گشتى ئەنجومەن وەزیرەیل و پاریزگار بانک ناوەندى و سەرۆک دەسەى وەبەرهاوردن نیشتمانى و راوێژکار سەرۆک ئەنجومەن وەزیرەیل ئەرا کاروبار یاسایى.

وتیش: ئەنجومەنەگە باس لە بڕگەیل خشتەى کارنامە کردگە و بڕیارەیل گونجیاگ داگە لەبارەیانەوە.

وەگوورەى بەیاننامەگە، پاریزگار بانک ناوەندى، ئشارەت وە ئەوە کردگە ک بانکەگە دەسکارى کووتایى لەبان ستراتیجییەت قەرزداین کەید، و وەردەوامە لە جیوەجیکردن بڕیارەیل تایبەت وە وەپیداین ئەلکترۆنى.