04/10/2023
ئاسایش 88 جار بینراوە
پرووسەیگ ئەمنى ئەرا پاکەوکردن بیاوان ئەلحەزەر لە باشوور خوەرئاواى نەینەوا دەسوەپیکرد
ئیشراق
دەسەى حەشد شەعبى، ئمڕوو چوارشەممە، ئاشکراى دەسوەپیکردن پرووسەیگ ئەمنى کرد ئەرا پاکەوکردن بیاوان ئەلحەزەر لە باشوور خوەرئاواى نەینەوا.
وەگوورەى بەیاننامەى دەسەى حەشد شەعبى ک ئیشراق ئاگادارى بوى، کەرتەیل فەرماندەیى ئۆپراسیۆنەیل نەینەواى حەشد شەعبى – بەشەیل ئۆپراسیۆن و هەواڵگرى و ئعلام و وەریەوبەرایەتیەیل حەشد پشتگیریکەر و هەردەگ لیواى 44 و 60 لە دەمەو شەوەکى ئمڕوو دەسکردنە جیوەجیکردن پرووسەیگ فراوان ئەمنى لە سێ لایەنەوە ئەرا نەهیشتن و راوناین پاشمەندەیل تیرۆریستى و وشکانن شمارەیگ ناوچە و ئاوایەیل لە بیاوانەیل ئەلحەزەر لە باشوور خوەرئاواى پاریزگاى نەینەوا.
جى باسە، بەیاننامەگەى دەسەى حەشد شەعبى هەمیش وت: کەرتەیلیگ لە قارەمانەیل سوپاى عیراقییش بەشدارى لەو پرووسەى ئەمنییە کردنە.