نرخ بەرمیلیگ خام برێنت بەرزەو بوى ئەرا 90.98 دۆلار

ئیشراق

نرخەیل نەفت لە مامڵەیل پیشوەختەى ئاسیایى، ئمڕوو چوارشەممە، روی لە بەرزبوینەوە کرد، ئەویش وە پشتگیرى کەمکردنەوەى فشارداین خام جەهانى وەرجە دانیشتن لیژنەیگ لە وەزیرەیل "ئۆپیک +".

لە سەعات 00:04 وە وەخت گرینتیش، نرخ نەفت خام برێنت شەش سەنت بەرزەو بوى و هەر بەرمیلیگى رەسیە 90.98 دۆلار، یەیش لەوەختیگ نرخ نەفت خام خوەرئاوایى تەکساس ئەمریکى 11 سەنت بەرزەو بوى و هەر بەرمیلیگى رەسیە 89.34 دۆلار.

جى باسە، کۆمەڵەى "ئۆپیک +" ک ریکخریاگ دەوڵەتەیل هەناردەى نەفت و هاوپەیمانەیلى گریدە خوەى، پیشبینى کریەید لەوەخت گردەوبوین ئمڕوو چوارشەممە، سیاسەت وەبەرهاوردن جوور خوەى بیلنەوە، یەیش دویاى ئەوەگ سعودیە و روسیا ک ئەندام ئەو کۆمەڵەن، کەمکردنەوەى بەرهەمهاوردن تا کووتایى ساڵ دریژەو کردن.