30/09/2023
ئقتصادى 123 جار بینراوە
کشتوکاڵ ئاشکراى پلان زیایکردن پشتگیرى جفتیارەیل کرد ئەرا سەرخستن وەرز ئایندە
ئیشراق
وەزیر کشتوکاڵ عەباس جەبر عەلیاوى، ئاشکراى هویردەکاریەیل پرووژەى ئاوایى سەردەم کرد لە پاریزگاى سەڵاحەدین، و باس لە شیوەیل پشتگیرى پیشکەشکریاگ وە جفتیارەیل کرد و جەختیش کرد لەبان زیایکردن ئەو پشتگیرییە ئەرا سەرخستن وەرز کشتوکاڵیى ئایندە.
عەلیاوى وت: پرووژەى ئاوایى سەردەمیانە لە گەوراترین پرووژەیل گرنگ وەزارەتەگەس لە پاریزگاى سەڵاحەدین و زیانر لە 110 ماڵ گریدە خوەى و تایبەت کریاگە ئەرا ئەندازیار و پزیشک و پزیشکەیل بەیتەرى.
باس لەوەیش کرد، پلان وەزارەتەگە ئەرا ئمساڵ 2023، پشتگیرى جفتیارەیل گریدە خوەى لە پلان کستوکاڵى ئایندە لەڕى ئاوبەرژنەیل ک دابەش کریەید و پشتگیرى وە ریژەى 30% ئەڕایان دابین کردیمنە، بیجگە زیایکردن نرخەیل بەرهەم گەنم دویاى کووتاییهاتن وەرز کشتوکاڵى و دابینکردن پشتگیرى گەورایگ لە تویەم.