30/09/2023
ئاسایش 59 جار بینراوە
عەبدولئەمیر شممەرى: گەندەڵکارەیل لە وەزارەت ناوخوەیى و گشت دەزگایەیل دەوڵەت شوون نەیرن
ئیشراق
وەزیر ناوخوەیى عەبدولئەمیر شەممەرى، ئمڕوو شەممە، جەخت لەوە کرد رینمایەیل حکومى فراوانکاریى تەواویگ لە کۆلیژەیل پۆلیس گرتەسە خوەى.
شەممەرى لە میانەى مەراسیم دەرچگن هەردوگ خول (28) پەیمانگاى باڵا و (53) ئامادەکارى ئەرا ئەفسەرەیل وە ئامادەبوین فەرماندەى گشتى هیزەیل چەکدار سەرۆک ئەنجومەن وەزیرەیل محەمەد شیاع سودانى، وت: حکومەت لە ئیسە رینمایەیل فراوانکاریى تەواویگ لە کۆلیژ پۆلیس دیرید، و داوایش لە ئەفسەرەیل دەرچگ کرد گشت توانایگیان لەوەر خاتر عیراق و مللەتەگەى پیشکەش بکەن.
جى باسە، شممەرى هەمیش وت: گەندەڵکارەیل لە وەزارەت ناوخوەیى و گشت دەزگایەیل دەوڵەت شوون نەیرن، و جەخت لەوەیش کرد وەزارەت ناوخوەیى ئەنجامەیل پیشکەفتگیگ لە روێ وەڕوێ بوینەوەى ماددەیل هوشبەر وەدەسهاوردگە.