29/05/2023
ئاسایش 110 جار بینراوە
حەشد شەعبى پلانیگ تیرۆریستى لە خوەرئاواى ئەنبار پویچەڵەو کرد
ئیشراق
فەرماندەى ئۆپراسیۆنەیل حەشد شەعبى ئەنبار قاسم موسڵح، ئاشکراى پویچەڵکردنەوەى پلانیگ تاوانکارانەى پاشمەندەیل داعش تیرۆریستى کرد ئەرا گرتنەئامانج مەدەنیەیل لە قەزاى عانە لە خوەرئاواى پاریزگاگە.
موسڵح لە لێدوانیگ وت: قارمانەیل حەشد شەعبى وەگوورەى زانیاریەیل هەواڵگرى تەواویگ تویەنستن شکست وە پلانیگ تاوانکارانەیل پاشمەندەیل داعش تیرۆریسى بارن ک لەتى تواسیان مەدەنیەیل لە قەزاى عانە بگرنە ئامانج.
وتیش، پلانەگە پیکهاتوید لە وەکارهاوردن شاڵ مینڕیژکریاگ ئامادە ئەرا تەقینەوە لە دەروازەى قەزاگەو دویاخریش وەکارهاوردنى ئەرا گرتنەئامانج گردبوینەوەیل مەدەنى، وەلێ ئاگادارى و مقەیەتى قارەمانەیلمان شکست وەو پلانەیل دوشمن تیرۆریستییە لە بنەڕەتەوە هاورد.