مسيرة حاشدة لتشييع جثامين شهداء مخيم نور شمس الخمسة بمدينة طولكرم

الاشراق|متابعة

في موكبٍ جنائزي شارك فيه الالف من المواطنين ومسلحين من الفصائل الفلسطينية، شيع أهالي مدينة طولكرم شمال الضفة الغربية خمس شهداء من شهداء مخيم نور شمس الذين استشهدوا في غارة إسرائيلة على المخيم.
 زوجة احد الشهداء تقول حول الجريمة الصهيونية: النار ميكله الدنيا  والشوادر نزلت انا والبنت وبلشنا ندور ونادي محمد محمد محمد ونصبح لحد ما يجيب صوتنا  محمد ما كان بجاوب بنتي كانت ماشية تحت النار والناس ينادو عليها  ارجع النار راح تحرقك  وكانت تقول لهم ابوي ابوي ما في ابو ندور ندور ما في بجوز بهاي اللحظات بقوا الشباب مطلعينهم من جهة واحنا ندور بجهة ثانية  ما كنه شايفينهم فاجى عليه احد الشباب وقلي هاد تلفون ابو مهند ابو مهند مات.

دموع الامهات واهالي الشهداء هي الرسالة الوحيدة للمقاومة الفلسطينية بان  الاعتماد على وعود  المحتل وهمٌ كبير وامرٌ خاطئ فهؤلاء الشهداء منهم أسرى تم تحريرهم ضمن صفقة التبادل الاخيرة.

فيما قالت  ام شهيد حول هذه الجريمة لجيش كيان الاحتلال الصهيوني: كانو يحكوا في تجمعات وفي طيران جاي امريكي  والوضع بقى بس على اساس في تجمعات وبس انا رنيت عليه قلت له  تعال جاي على بالي اشوفك  قلي ما انا باجي وبطلطل عليك قلتله لا تعال جاي على بالي اشوفك فجاء وبحكي معاه بقلي امانه عليكي تطلعي من المخيم قلتله ما بطلع لما يصير اجتياحات قله بالله عليكي تطلعي املنة الله تطلعي لانو الاشي اللي بده يصير مش عادي وضل يقنع فيه وطلعت وقعت معاه وراح صلى العشاء وتعشى ورنو عليه الشباب وراح على المنشيه بعدها صار القصف رنو علينا وحسيت انه هو  قالولي بالاول انه مصاب انا رحت على المستشفى على اساس انه هو مصاب ما بعرف انه مستشهد.