مەندەلاوی: کۆمەڵکوژییەکەی نەخۆشخانەی مەعمەدانی تاوانێكی جەنگی گەورەیە

ئیشراق
موحسین مەندەلاوی ، جێگری یەكەمی سەرۆكی ئەنجوومەنی نوێنەران و سەرۆكی شاندی عێراقی بەشدار لە سی و پێنجەمین كۆنفرانسی بەپەلەی یەكێتی نێوان پەرلەمانەكانی عەرەبی، ، ئەمڕۆ چوارشەممە، داوای كرد بۆ ڕێوشوێنی بەپەلە بۆ ڕاگرتنی دەستدرێژی وهێرشی سەر غەززە ، ئاماژە بەوە دەكات كە كۆمەڵكوژی نەخۆشخانەی مەعمەدانی تاوانێكی جەنگی تەواوەتییە.


نووسینگەی ڕاگەیاندنی جێگری یەكەمی سەرۆكی ئەنجومەنی نوێنەران لە ڕاگەیەنراوێكدا كە تێیدا هاتووە، “موحسین مەندەلاوی ، جێگری یەكەمی سەرۆكی ئەنجوومەنی نوێنەران، ئەمڕۆ چوارشەممە، سەرۆكایەتیی ئەنجومەنی نوێنەرانی كرد. شاندی پەرلەمانی عێراق بەشداری لە كارەكانی سی و پێنجەمین كۆنفرانسی بەپەلەی یەكێتی نێوان پەرلەمانەكانی عەرەبی، كە لە بەغدای پایتەخت بەڕێوەدەچێت بۆ تاوتوێكردنی ڕووداوەكانی فەلەستین.

مەندەلاوی لە میانی وتارەكەیدا وتی، “فەلەستین یەكەم پرسی سەرەكییە، ئەوەی لەوێ ڕوودەدات پێویستی بە هەڵوێستێكی یەكگرتوو و پتەو و بوێرانە و ناوازە هەیە”، ئاماژەی بەوەشكرد كە “دەسەڵاتدارانی داگیركەر تاوانێكی جەنگی تەواویان ئەنجامدا بە بۆردومانكردنی نەخۆشخانەی مەعمەدانی لە غەززە، بە ئامانجگرتنی نەخۆش و بریندار ، ژنان، بەساڵاچووان و منداڵان” و كارمەندانی پزیشكی، لە كردەوەیەكدا كە شەرمەزاری بۆ مرۆڤایەتی دەهێنێت.”


مەندەلاوی وتیشی: شەرمەزارییە بۆ جیهان كە ئەم تاوانە بێ سزا بمێنێتەوە، بە توندی ئیدانەی ئەو هێرشانە دەكات كە قەوارەی داگیركەر دژی گەلی گەمارۆدراوی غەززە ئەنجامی دەدات و پێشێلكردنی ئاشكرای هەموو ڕێككەوتننامە و پەیماننامە و بڕیارنامە نێودەوڵەتییەكان وبنەماكانی ماف و ئەخلاقی مرۆڤ"، داوای لە "كۆمەڵگەی نێودەوڵەتی كرد كە هەنگاوی بەپەلە بگرێتەبەر بۆ كۆتاییهێنان بە دەستدرێژییە بەربەرییەكەی زایۆنیستەكان ، پایتەختی فەلەستین، و گەرەنتی سەربەخۆیی و سەروەری ئەم دەوڵەتە بكەن”.
ناوبراو "هەڵوێستی پتەو و پشتیوانانەی عێراق لەمەڕ پرسی فەلەستین، و شەرمەزاركردنی پێشێلكارییەكانی زایۆنیستەكان بۆ یاسا نێودەوڵەتییەكان، بڕیارنامەكانی ئەنجومەنی ئاسایش و شەرعیەتی نێودەوڵەتی نوێكردەوە".