سەرۆک وەزیران پێشوازی لە سکرتێری گشتی ڕێکخراوی کاری عەرەبی دەکات

ئیشراق 
سەرۆک وەزیران محەممەد شیاع سوودانی بەیانی ڕۆژی دووشەممە بە ئامادەبوونی وەزیری کار و کاروباری کۆمەڵایەتی پێشوازی لە سکرتێری گشتی ڕێکخراوی کاری عەرەبی فایز عەلی موتەیری کرد.

له کۆبوونەوەکەدا باس له بارودۆخی گشتی ژینگەی کاری عەرەبی و هەرێمی و کاروباری ئابووری و کۆمەڵایەتی کرا.

لە کۆبوونەوەکەدا بەڕێز سەرۆک جەختی لەوە کردەوە کە حکومەت بابەتەکانی چاکسازی ئابووری و دروستکردنی هەلی کار و بەرەنگاربوونەوەی بێکاری لە سەرەوەی ئەولەویەتەکانی خۆی داناوە و ستایشی ڕۆڵی ڕێکخراوەکەی کرد کە یەکێکە لە پێکهێنانی کۆمەڵەی وڵاتانی عەرەبی.

سەرۆک وەزیران پشتیوانی عێراقی بۆ چالاکییەکانی ڕێکخراوەکە نوێکردەوە و پێشوازی لە کۆنفرانسی وەزیرانی کاری عەرەبی کرد کە بەغدای پایتەخت لە نیسانی ساڵی داهاتوودا میوانداری دەکات و هەموو هەوڵەکانی خستە ڕوو بۆ سەرکەوتنی ئەم کۆبوونەوە هاوکارییە.