نمایشگایگ هونەرى ئەرا دویەتە قورتاربوییگ لە بۆردومان ئسرائیلى لە غەززە

ishraq

ئیشراق

دیارە روخسارەیل ئازارەگە زاڵ بوود لەبان چەهرەى دویەتە جایەڵ جوان زەینەب ئەلقولەق ک لەناو بڕى تابلۆییگ گەردید و وە پەنجەیلى دروس کریانە ئەرا ئەوەگ پەیام ئەو ناڕەحەتییە بڕەسنێد لەئەنجام ئەو کوشتارە ک کەرەسەیل کوشتنکار ئسرائیلى ئەنجامى دا دەرهەق وە خانەوادەیگ لە کەرت غەززە  وەرجە نزیکەى ساڵیگ.

زەینەب 22 ساڵان پیشبینى ئەوە نەکردیاد هونەر رەسم شیوەکارى یاى بگرێد ک وەرجە 3 ساڵ هووکارەى بوى لە جیوازکردن مەویسى ئنسانى ک هاتە تویشیان و 22 کەس لە خانەوادەگەى لەدەسدا لەئەنجام ئەو تاوانیگ ئاشکرا ئەرا بان ماڵەگەى لە جادەى ئەلوەحدە لە شار غەززە.

لەناونى ئەو کەسەیلە ک زەینەب لەدەسیان دا لەوەخت ئەو تاوانکارى داگیرکاریە ک لە 16ى مایۆ/ ئایار کەفتەوە، ئەمل داڵگى و هەناى خوەیشگى و هەردوگ براگەى تاهر و ئەحمەد، یەیش لەوەختیگ وەل شوکرى باوگى و ئوسامەى براى لەژیر ویرانە دەرکریان دواى نزیکەى 12 سەعات.

ئیسەیش لەناو شوونەیل بارەگاى چەودیریى ئۆرومتوەستى لە خوەرئاواى شار غەززە، ک نمایشگایگ هونەرى ریکخریا وە هاوبەشى وەل دەسەى نەتەوەیل یەکگرتگ ئەرا ژنەیل لە فلستین، لەژیر ناونیشان" تەمەنم 22 ساڵە و 22 کەسم لەداسدام"، زەینەب لە وەرانوەر تابلۆیەیلى وسیا ک نزیکەى چوار مانگ خەریک دروسکرنیان بویە.

ئى نمايشگا 9 رەسم وە 9 دەقەوە گرتەسە خوەى ک هەر یەکیگ لەلیان باس لە چرکەیلیگ پڕ ژان کەێد ک زەینەب لەتى ژیا وەبوونەى بۆردومانکردن ماڵەگەیان لەلایەن داگرکارەوە.

زياترين خوه‌نرياێ

Copyright © 2017 Eshraqtv all rights reserved Created by AVESTA GROUP