23/05/2022
ئاسایش 77 جار بینراوە
شەش جفتیار وە گولەى داعش لە کەرکوک شەهید بوین
ئیشراق
شانەى ئعلام ئەمنى، شەهیدبوین 6 جفتیار لە کردەوەیگ تیرۆریستى لە پاریزگاى کەرکوک ئاشکرا کرد.
شانەى ناوبریاێ لە بەیاننامەیگ وت: کردەوەیگ تیرۆریستى، بەدڕەفتارى و خراوەکارى چەتەیل داعش تیرۆریستى نیشان دەێد ک پەلامار شمارەیگ جفتیار بیتاوان دانە وە گولەى راسەوخۆ و سوود لە کەشوهەوا وەرگرتنە لە ئاوایى سامى ئەلعاسى سەر وە ناحیەى تازە لە پاریزگاى کەرکوک و شەش هاووڵاتى شەهید کردنە لەوەخت درەوکردن بەرهەمەیل گەنم و دەڕاسەگەیش ئاگر دانە وەل سێ سەیارە و رویوەریگ لە زراعەت.
ئشارە وەیەیش کرد و وت: کەرتەیل ئەمنیمان دەس کردنەسە پرووسەى وشکانن و گەردین لەشوون ئەو تیرۆریستەیلە ک چارەنویسیان مەرگە یا زیندانیکردن وە زوەیترین وەختەیلیگ.