21/05/2022
جیهانی 179 جار بینراوە
سەرۆک ئیران دوشەممەى ئایندە سەردان سەڵتەنەى عومان کەێد
ئیشراق
ئایەتوڵڵا ئیبراهیم رەئیسى سەرۆک کۆمار ئیران، رووژ دوشەممەى ئایندە لەبان داوەتنامەى سوڵتان هەیسەم بن تاریق ئال سەعید، وە فەرمى سەردان سەڵتەنەى عومان کەێد.
ئى سەردانە لەبان داوەتنامەى سوڵتان هەیسەم بن تاریق ئال سەعید و بەشیگە لە وەردەوامى سیاسەت سەید ئیبراهیم رەئیسى سەرۆک کۆمار ئیران ئەرا پەرەوەپیداین هاوکارى ئابورى و سیاسى و فەرهەنگى وەل دەوڵەتەیل هاوسا.
کارنامەى سەردانەگەى سەرۆک ئیرانى دیداریگ فەرمى وەل سوڵتان عومان لە قەسرولعلم و ئمزاکردن چەن بەڵگەیگ هاریکارى و دیدارەیلیگ وەل ئیرانیەیل نیشتەجى ئەو وڵاتەو دیداریگیش وەل بازرگان و پیاوەیل کار عومانى گرێدە خوەى.
جى باسە، یەیش پەنجەمین سەردان خارجیە ئەرا سەرۆک ئیرانى لەوەختیگەو پۆست سەرۆکایەتى کۆمار وەرجە نزیکەى 9 مانگ گرتەسە دەس.