موزەفەر ئەلنواب: ئایکۆن "شیعر عەرەبى" و هاوڕاى شۆڕشکارەیل

ئیشراق

لە دەمەو شەوەکى روژ جومعە 20 مايو/أيار 2022، شاعير عيراقى موزەفەر ئەلنواب چەوەیلى لە تەمەن 88 ساڵى لە نەخوەشخانەى شارقە لە ئیمارات عەرەبى یەکگرتگ بەسا، و ميراتیگ شیعرى لەشوون خوەى هیشتەجى و لەتى تواناى ووشە و جورئەت هەڵویست گردەو کرد لە هەگبەیگ لە سەردەمیگ هاوچەرخ عەرەبى ک لەگشت ئاستەیل وە پەرتەواوى و شڵەژان دیارى کریەێد.

موزەفەر ئەلنواب لە ساڵ 1934 لە خێزانيگ عێراقی لە دیم کەرخ بەغدا لە دایک بويە و هەر لە تەمەن زويەوە بەهرەی شيعريی نیشاندا و خوەنین زانکۆيی لە زانکۆ بەغدا تەواو کرد و بويە مامۆستا و دوياى ئەوەگ چیە ناو حزب شیوعی عێراقی تیکەڵ کار سیاسەت بوێ.  

لەوەر مەیل و هەڵویست شۆڕشکارانە و دژایەتى تونى ئەرا حکومەتەیل یەک لەشوون یەک، لەگش وەختەیل ژیانى تویش گرتن و سزا و ناڕەحەتى هاتیاد، لەساڵ 1955ەوە ک لە پیشەى مامۆستایەتى دویرەو خریا، دادگاى عیراقى حوکم لەسێدارەداین ئەراى دەرکرد وە هووکار یەکیگ لە شیعرەیلى، دویاى ئەوەیش حوکمەگە لەبانى کەمەو کریا و بویە هەتاهەتایى، دویاتر لە زیندان(نوگرە سەڵمان)وەختەیلیگ لە رووژگار بردە سەر و لە شوون ئەوەیش جيواز كريا ئەرا زیندان(حلە)لە باشوور بەغدا، وەلێ لەو زیندانە هەیواى و روێ کردە ناوچەى ئەهواز لەناونى جفتیارەیل و مەردمانیگ لەو ناوچە، ساڵ 1963 عیراق هیشتەجى و چەن وڵاتیگ عەرەبى و ئەوروپى گەردى، لەساڵ 2011 هاتەوە ئەرا شاروچکەى(زائرا)دویاى چل ساڵ لە غوربەت و دویایین تەمەنەیلى لە شارقە وە نەخوەشى بردە سەر، چیە ناو غەیبووبەى سەختیگ و لەلایەن حازم ئەلشێخ ک سوورى و رەفیقى بوى مقەیەتى لەلى کردیاد.

دوياى مردنيشى، کەسایەتیەیل رووشنهویر فرەیگ داخ لەدڵ بوین ئەراى و باسى کردنە لەوانەیش:

حەسەن نازم وەزیر رووشنهویرى و رەخنەگر عیراقى، محەمەد عەلى شەمسەدین شاعر لوبنانى، محسن ئەلرملى رۆماننویس عیراقى، لوتفیە ئەلدلێمى رۆماننویس عیراقى، راسم ئەلمەدهون شاعیر فلستینى، محەمەد ئەلوەلى بەلاغەت مەعربى، شوکرى ئەلمەبخوت ئەکادیمى و رۆماننویس تونسى، ئیبراهیم عەبدولمەجید رۆماننویس مسرى، کەمال ئەخلاقى شاعیر مەغربى، عومەر ئەبولهەیجا شاعیر ئوردنى، لوتفى خەڵەف شاعیر فلستینى، بوبەکر ئەلعەمورى شاعیر تونسى و کەسەیل تر.