نيشانەیل جیۆسیاسى ئەرا جەنگ ئۆکرانى

ishraq

ئیشراق

چەنەها فکرەو نەزەریات و دید و باس هەن ئەرا رووشنکردن و شیەوکردن ئەو هووکارەیلە ک روسیا لەتى جەنگ لەبان ئۆکرانیا بەرپا کردگە وەل سروشت ئەو مەرامەیلە ک لە شوون ئى جەنگە ک ئیسە وەردەوامە.

شیەوکردن ئى هووکارەیلە ک ئەراچە ئەمرکا و هاوپەیمانەیلى بیجگە سەختى و ئاڵوزى ئى کارەیل جیاوازە و وسیانیان وەل ئۆکرانیا وە شیوەیگ ک نزیک بوود لە بەشداریکردن راسەوخۆ لەى جەنگە، یەیش باسیگ ترە لەبارەى ئى مەسەلە.

ئمجا بيجگە ئەوەگ ئى ئەتروحەیل جیاجیا جیوەجی کریەێد لەبان دەرسوەرداین، وەلى وەل ئەوەیشا ئاسانە تیکەڵ بکریەن لە دو ئەتروحەى سەرەکى ک ریکبکەفن لەبان هەردو لایەن دژ، لەیرا ئەتروحەى یەکەم باوەڕى ئەوەسە ک ئەوەگ ئیسە روێ دەێد لە کیشمەکیش لە مەیدان ئۆکرانى" جەنگ هەڵبژاردە"س و روسیا لەتى وە تەنیا بڕیار داگە و وەگوورەى ئیرادەى خوەى وەبى ئەوەگ ناچار بکریەێد لەو بارەوە، ئەویش لەوەر هووکارەیلیگ ک پەیوەسە وە مەرامەیل سەرۆک پۆتین و مکوڕبوینى ئەرا هاوردنەوەى چەسپانن دەسڵات تەنیاى روسیا لەبان گشت ئەو ناوچەیلە ک زویتر بەشیگ بوینە لە یەکێتى سۆڤێت و نەبایەد بەشبەشەو بوود ک لە سەرەتاى ساڵەیل نەوەد سەدەى وەرین روێدا، وەل ئەوەیشا ئەتروحەگە مامڵە وەلیا بکریەێد وە ئەوەگ جەنگیگ دوشمنانەسە و مەترسى ئاشکرایگ دیرێد لەبان بنەمایەیل یاساى ناودەوڵەتى نەک تەنیا هەر لەبان ئۆکرانیا، بەڵکوو ئەگەر جواویگ یەکلاکەر نەدریەێد لە لایەن هیزەیل رەتەوکار ئەوە مەسەلەگە سەخترەو بوود. دویاخریش تەنیا سەرەتایگ بوود ئەرا زنجیرە جەنگەیلیگ چ وەک قەیسەریى کویەن یا سۆڤیاتى تازەتر.

لە وەرانوەر ئەوەیش ئى ئەتروحە خوەى لە کاردانەوەیگ ئەمریکى دوینێدەو لەبان جەنگ روسیا لەبان ئۆکرانیا، یەیش جوور کاریگ وەرگرى وە تەواوەتى ک ئامانج لەلى مقەیەتیکردن بوود لە هاوپەیمانى ناتۆ و زەمانەتکردن سەڵامەتى دەوڵەتەیل ئەندام لەتى، وەتایبەت دەوڵەتەیل ئەوروپى ک هەڕەشەى داگیرکارى ها بانیان لە قۆناغەیل تر.

ئەتروحەى دویەمیش ئەوەسە ک لەى کیشمەکیش وەردەوامە ک ئیسە هەس لە مەیدان ئۆکرانى، کیشمەکیشیگ ئەمریکى و دوشمنکارى وەرانوەر روسیا هەس وەل فەرزکردن سیاسەت فراوانکردن هاوپەیمانى ناتۆ، ک یەیش مەرامى لەلى روسیا نەگرێدە خوەى و موحاسرە بکریەێد و نواگیرى لە بەشداریکردن لە ئدارەى سیستەم ناودەوڵەتى لەلى بکریەێد.

لە هەمان وەخت ئى ئەتروحە باوەڕى ئەوەسە ک کاردانەوەى ئەمریکى و ئەوروپى لەو باوەتەو ک روسیا وە پرووسەیگ تایبەت سەربازى زانێدەى، تواناى ئۆکرانیا نیەگریدە ئمانج لە وەرگریکردن لە خوەى و جواودانەوەى پەلامارەیل، بەڵکوو مەرام لەلى شکەست ستراتیجى بارێدە تویش روسیا لەڕێ کار سەربازى و ئابوورى و دروسکردن کیشیل ناوخوەیى ئەرا رمانن رژیمەگە لە فەرمانڕەوایى.

بیگومان یەیش وەهەر شیوەیگ بوود، جوور روایەتیگ فەرمى رووسى لەتى دەربکەفێد و لایەنگرى فراوانیگ لەتى وەدى بکریەێد لەلایەن رەوتەیل باوەڕدار وە خواست مقەیتیکردن ئى تایبەتمەندیەیل رووشنهویرى و نەتەوەییە ئەرا دەوڵەت و مللەتەیل و وەو فکرەیلە ک فکرمەنەیل و نەتەوەخوازەیل هویر لەلى کەن جوور ئەلکسەندەر دۆغین ک گوایا نزیکترین فکرمەنەیل رووسیاس لە ئەقڵیەت سەرۆک پۆتین و فکرەى.

هەرچەنى ئى هەردوگ ئەتروحە چەسپیەید لەبان جورعەی ئاشکراى دعایەیگ، وەلێ وەل ئەوەیشا یەکەو گرن لە دەورگرد فکرەیگ سەرەکى ک ناوەڕووکەگەى ئەوەسە ک جەنگ ئیسە لە مەیدان ئۆکرانی جەنگیگ دیاریکریاێ ئامانجەیل و لایەنەیل نییە، بەڵکوو جەنگیگ جەهانى گشتگیرە وەگشت مانایگەوە و تەحەدایگە ئەرا سیستەم ئیسەى ناودەوڵەتى.

شایەد لەى وەختەیلیشە دیاریکردن گشت ئاڵشتکاریەیل جیۆسیاسى سەخت بوود لە دەرئەنجامەیل جەنگەگە، وەلێ ئاشکراس ک قەوارەى ئاڵشتکاریەیل پیشبینیکریاێ و قویلاییەگەى لەبان چەن هووکاریگ وسیەن لەوانە:

1- وەخت ک پرووسەیل سەربازى لە ئیسە هەوەجە وەپى دیرێد وەرجە رەسین وە ئاگربەس.

2- ئەگەرەیل ئاڵشتکارى لە هەڵویست بڕیگ لە هیزەیل ناودەوڵەتى و هەرێمى.

3- ئاست توانايى هاوپەیمان لەناونى هەردگ دیم ئەتڵەنتى، وەتایبەت هاوپەیمانى ئەمریکى ئەوروپى لەبان وەرگرى و وەردەوامى وەپیداین خەرج گەورا ئەرا بەرزەوکردن قەیران و وەردەوامبوینى.

ئاشكرس ك وڵاتەیل یەکگرتگ  و هاوپەیمانەیلى گرەو لەبان مەندنەوەى قەیرانەگە کەن ئەرا دریژترین ماوەیگ و باوەڕیان ئەوەسە ک دەسمیەتەیل سەربازى و ئابوورى و گەورا ک پیشکەشى کەن بەش وەرگرى ئۆکرانیا نیەکەێد لە روی وەڕوێ بونەوەى کەرەستەیل سەربازى رووسى و پیشڕەویکردنى و بڵاوبوینەوەى لەناو خاکەیل ئۆکرانى، وەلێ تواناى ئەوە وەپى دەێد لە قۆناغەیل ئایندە پەلامارەیلیگ دژ وە هیزەیل رووسى ئەنجام بیەێد وە ئامانج کزەوکردن تواناى سەربازى و ئابوورى روسیا تا باوەڕ وەپى هاوردن وەتایبەت لەژیر سزایەیل ئابوورى ک لەبانى چەسپیاگە وە ئەوەگ وەدەوامى جەنگ لە بەرژەوەندیى نییە.

 راپۆرتەگە لەلایەن نویسەر حەسن نافعە نویسریاگە

زياترين خوه‌نرياێ

Copyright © 2017 Eshraqtv all rights reserved Created by AVESTA GROUP