پەیام مەنبەر یەکگرتگ سەرکردەیل محوەر مقاومە لە رووژ جەهانى قودس

ئیشراق

وەبوونەى هاتن رووژ جەهانى قودس، "مەنبەر قودس" ساڵانەى سەرکردەیل مقاومه ساز کریا لەڕى ئاسمان ئفترازیەوە جەمەو بوین و وتارەیلیان وەى بوونەوە پیشکەش کردن.  

ئەمیندار گشتى حزبوڵڵا سەید حەسەن نەسڕوڵڵا لە بەشداریکردنى لە "مەنبەر قودس" وت، کیشەى فەلەستین بانگەوازیگ تر دەێدە ژیان و لایەنگر و جیهادکارەیل تر ئەڕاى زیاێ کەێد ک ئامادە قوربانى بیەن لەوەر خاترى.

سەید نەسروڵڵا وت، ستراتیجیەت دوشمن لەبان گرەوکردن لەبان وەخت و لەهویرەوچگن مللەتەیل بوى ک گرنگى دەنە کیشەى فەلەستین، وتيش ئەوەگ ئیسە روێ دەید پیچەوانەسە وە بەرکەت ئیمان و جیهاد و بەسیرەت ک دەوڵەتەیل محوەر مقاومە و هیز و مللەتەیلیان گوزارش لەلى کەن.

باس لەوەیش کرد، محوەر مقاومەى گەورا بایەسە وەپیشى بووتریەید محوەر قودس وە هەق، چوینکە قودس خاڵ مەرکەزى گردەوکەرە و قودس ئمڕوو شمشیر دیرێد لە غەززە و وەرگرى لەلى کەێد جوور ئەوەگ ساڵ گوزەیشت روێدا لە جەنگ سەیفولقودس.