23/10/2023
جیهانی 157 جار بینراوە
نوێنەر حەماس لە ئیران: هیزەیل مقاومە ئامادەن ئەرا جەنگ دریژوەختبەر
ئیشراق
نوێنەر بزووتنەوەى مقاومەى ئسلامى "حەماس" لە کۆمار ئسلامى ئیران، خالد ئەلقەدومى، جەخت لەوە کرد هیزەیل مقاومە ئامادەن ئەرا ئەنجامداین جەنگ دریژوەختبەر دژ قەوارەى زایۆنى داگیرکار.
جەختیش لەوە کرد، لە حاڵ حازر چارەسەرەیل دبلۆماسى و سیاسى کووتایى وەپى هات و پرووسەیل تەوەفان ئەقسا وەردەوامە تا وەدەسهاوردن سەرکەفتن.
ئەلقەدومى لە سیمیناریگ لە زانکۆى مەعارف ئسلامى لە شار قوم پیرووز، ئشارەت وە خوەنینەوەى دویاین پیشهاتەیل وەردەوام کرد لە غەززە، و وت: فلستین ئمڕوو ها قۆناغیگ تایبەت تاریخى، و وتیش: قەوارەى زایۆنى تاوانەیلى ئەنجام دەید دژ مللەت فلستینى بیتاوان ئەرا ماوەى زیاتر لە 75 ساڵە.