میدیاى زایۆنى: نەتانیاهۆ شکیاوە.. و "سوپا" ترس هەڵوەشانەوەى لەشکرکیشى زەمینى خوەى لە غەزە دیرید

ئیشراق

میدیایەیل ئسرائیلى، ئمڕوو دوشەممە، باس لە ترسیگ لەلاى "سوپاى" داگیرکار ئسرائیلى کردن لەوەگ "ئاست سیاسى لەشکرکیشی زەمینى خوەى ئەرا غەزە هەڵوەشیەیدەوە".

میدیاى ئسرائیلى ئەوە دەرخست ک "سوپا" تا ئاست سیاسى رەنگدانەوەى ئەوە داشتگە ک ئەنجام لەشکرکیشى زەمینى بیاشتوود، وەلێ هویچ قورتاربوینیگ لەوە نییە، و ئشارەت وەیەیش کردنە ک چگنەناو جەنگ غەززە تویەنید دوو هەفتە دریژە داشتوود تا کووتایى جەنگەگە، و کریەیدیش 6 مانگ دریژە بیاشتوود.

لەو چوارچیوەى، ماڵپەڕ کەناڵ کان ئسرائیلى ئەوە دەرخستگە ک سوپا ئامادەکاریەیلى ئەرا مانۆڕ زەمینى تەواو کردگە، وەلێ هیمان گلۆپ سەوز ئەڕاى هەڵنەکریاگە، لەوەختیگ هوشدارى هەس ک دویاکەفتن چگنەناو زەمینى ئەرا غەززە شایەد بوودە هووکار کەمبوینەوەى پاڵنەرەیل لەناو سەربازەیل یەدەگ.

ماڵپەڕەگە یەیش وت: ئەو چەکدارەیلە ک پیشبینى کریەید تەسریح بکریەن لە مانگ ئایندە، وەلایەن کەمەوە ئەرا ماوەى چوار مانگ دویا خریەن.

لاى خوەیەوە، شیەوکەر کاروبار سەربازى لە "کەناڵ 13"، ئەلوون بن دافید، وت: هسکردنیگ هەس لەناو سوپا ک  بنیامین نەتانیاهۆ سەرۆک حکومەت ئسرائیلى لە داگیرکارى زەمینى بیزارە و دوودڵە.