رەئیسى: ئەگەر ئسرائیل لە ناوچەگە نەویاتاد ئەمریکا هەوڵ دامەزراننى دا

ئیشراق

سەرۆک کۆمار ئیرانى ئیبراهیم رەئیسى، تەعلیق دا لەبان لێدوانەیل ئى دویاخر سەرۆک ئەمریکى جۆ بایدن و وت"ئەگەر ئسرائیل لە ناوچەگە نەویاتاد ئەمریکا هەوڵ دامەزراننى دا"، و وتیش لێدوانەییگ شۆڤینییە و نیەگونجیەید وەل بنەمایەیل دیموکراسى، و نوێنەرایەتى دگان وەپیاناینیگ نەخوازریاگ وە دروویى بوین قەوارەى زایۆنى کرد.

لە لێدوانەگەى لە دانستن ئەنجومەن وەزیرەیل، رەئیسى ئشارەت وە شەپۆلیگ تویڕەیى و ئیدانەى بى وینە کرد ک گشت جەهان گرتەسەوە لە ئەنجام جەمکوشیەیل زایۆنى دەرهەق وە مەدەنیەیل لە ژن و مناڵ لە کەرت غەززە، و یەیش دەرخست ئەو پرسیارە ک مللەتەیل جەهانەى کەنەى لەبان سیستەمەیل و هیزەیل جەهانى و ریکخریاگەیل ناودەوڵەتى ئەوەسە ک"چوین ریگە وە قەوارەیگ لویتبەرز دریەید بایدە وەردەمى و وەپشتگیرى ئەمریکا ئەرا کوشتن ژن و مناڵەیل ستەمدیدە وەى دڕندەییە؟!".

 رەئیسى وت: ئیجوورە لێدوانەیلیگ راسیەیلیگ دەرخەید ک مقەیەتى لە قەوارەى زایۆنى داگیرکار لەلایەن ئەمریکاوە فرە گرنگترە لە ژیان مەردم، وەتایبەت ژن و مناڵەیل، ک خواستە دەوڵەتەیل ئسلامى ئى راسیە لەوەرچەو بگرن.