22/10/2023
جیهانی 173 جار بینراوە
لە کنار خوەرئاوا.. تویڕەیى دژ سەرۆک و دەسڵات فلستینى پەرە سەند
ئیشراق
تویڕەیى جەماوەرى لە کنار خوەرئاوا دژ دەسڵات فلستینى پەرە سەندگە لەبان کەفتنەوەى رویداگەیل لە کەرت غەززە، وەل دەرچگن خوەینیشانداینەیل هاوکارى لە ماوەى رووژەیل گوزەیشت و لەتى داواى چگن سەرۆک دەسڵات فلستینى مەحمود عەباس و لەناوبردن هیزەیل ئاسایشە فلستینییەگەى کریەید.
پایەى دەسڵات فلستینى ک کەفتەوە لە ریککەفتنەیل ئۆسلۆ لە ساڵ 1993 داوەزیە، ک بایەسە بوى کار لەبان دامەزرانن دەوڵەتیگ فلستینى بکردیاد، و مەسەلەگە رەسانە ریگەیگ داخریاگ ئەرا زیاتر لە 10 ساڵە.
دویاى وەسەرچگن 30 ساڵ لەبان ریککەفتن ئۆسلۆ، نیشتەجیکردن لە کنار خوەرئاوا روێ لە فراوانبوین کرد، و سوپاى ئسرائیلى دەسدریژیەیل وەردەوام ئەنجام دەید، و روێ وەڕوێ بوینەوەى ناونى فلستینیەیل و نیشتەجیکریاگەیل هەر دوبارەوە بوود لە وەختیگەو دەسڵات فلستینى خوەى پەیوەس کردگە وە چارەسەر دانیشتنکارانە.