"حەماس": مقاومە موفاجئەى داگیرکار کەید ئەگەر بچوودە ناو غەززە جوور ئەوەگ لە پەلامارەگە رویدا

ئیشراق

قسەکەر وەناو بزووتنەوەى حەمسا، عەبدولەتیف ئەلقانوع، سەبارەت وە هەڕەشەیل داگیرکار ئەرا پەلامارەیل زەمینى ئەرا بان کەرتەگە، جەخت لەوە کرد مقاومە جوور ئەوەگ وە پەلامار لە رووژ 7 تەشرین یەکەم/ ئوکتۆبەر موفاجئە کرد، ئیسەیش لە هەر پەلاماریگ تر زەمینى موفاجئەى کەید و بژاردەیلى وازە.

ئەلقانوع ئشارەت وەیەیش کرد مقاومەى فلستینى توانایەیلیگ دیدرید ک شکست وە هەر پەلاماریگ زەمینى بارید، و باس لەوەیش کرد داگیرکار خەریک دوبارە هویرەوکردنە لەى گامە.

سەبارەت وە دیلەیل بیگانەیش لە کەرت غەزە ک خوەرئاوا گرنگى وەپیان دەید، ئەلقانوع وت: خوەرئاوا لە هەمان وەخت گرنگى وە زیاتر لە دو ملیۆن کەس نیەید ک کەفتنەسە ژیر پەلامارەیل داگیرکار ئسرائیلى.