ئەرکان ئیرانى: وەردەوامى تاوانەیل زایۆنى لایەنەیل تر تیەریدە ناو

ئیشراق

هۆلۆکۆست داگیرکار زایۆنی چیەسە ناو کەرت غەززە، وە وەردەوامی بۆردومان ماڵ و گەڕەکەیل نیشتەجیبوین و ناوەندەیل پەناگە کەید، و پا ناسە سێنزەیەمین رووژ خوەیەوە وە پشتیگرى وڵاتەیل خوەرئاوا.

یەیش ئمڕوو پەنجشەممە، لە پەیوەندییگ تەلەفۆنى هات لەناونى لیوا باقرى وەل هەریەک لە وەزیر وەرگرى رووسى "سێرگى شویگۆ" و هاوتا قەتەریەگەى خالد بن محەمەد ئەلعەتیە، ک سەرۆک ئەرکان گشتى ئیرانى داوا لە کۆمەڵگاى ناودەوڵەتى کرد ک ریوشوونیگ دەسوەجى وەربگرن ئەرا وساننەوەى ئەو تاوانەیلە ک ئەنجام دریەید دەرهەق وە فلستنیەیل و کارکردن لەوەر فریاگوزارى مەردم غەززە.  

سەرۆک ئەرکان ئیرانى باس لەوەیش کرد، دویاى ئى کوشتارگەى ئاشکرا هویچ مەهانەیگ نییە ئەرا بیدەنگکردن موسڵمانەیل، و وەل وەردەوامى ئى دڕندەییە لەلایەن زایۆنییەوە، پیشبینى هەر کاردانەوەیگ کریەید لەلایەن فەسیلەیل مقاومە.