14/10/2023
وەرزش 100 جار بینراوە
بەرشەلۆنە دویاى تویشبوین وازیزانیگ هەناسەیگ ئارام هەڵکیشا
ئیشراق
جەماوەر بەرشەلۆنە هەناسەیگ ئارام هەڵکیشان، دویاى ژنەفتن هەواڵیگ دڵنیاکەر سەبارەت وە تویشهاتن یەکیگ لە وازیزانەیل هەڵوژاردەى کەتالۆنى.
هاندەرەیل بەرشەلۆنە ئەوەنە نیگەران بوون وەرجە ئەوەگ (ئەلیخاندرۆ بالدى) بوینن وازیگا وەجیهیشت لە گەیم یەکەم وازى بردنەوەى ئسپانیا لە ئوسکتلەندا لە رووژ پەنجشەممەى گوزەیشت.
جى باسە، حاڵ حازر بەرشلەۆنە وە قەیران گەورایگەوە گوزەر کەید ک پەیوەسە وە تویشهاتن وەل دویرخستنەوەى (7) وازیزان لە رزەیل تیم یەکەم، وەلێ جوور ئەوەگ رووژنامەى "مۆندۆ دیبورتیفۆ" باسى کردگە، ئەو تاقیکردنەیلە ک ئەنجام دریا لەبان بالدى لە ئیوارەى رووژ جومعە هویچ کیشەى گەورایگ لەلى دەرکەفت، و جەخت لەوە کردەوە وازیزانەگە وەدەس گرژبوین دەماریگەوە ناڵنید، و یەیش نیەودە هووکار ئەوەگ لە وازى ئایندەى بەرشەلۆنە دویرەو بکەفید دویاى کووتاییهاتن پشووەیل ناودەوڵەتى.