04/10/2023
ریاضة 122 جار بینراوە
وەفد کیوکوشنگاى ئەرا بەشداریکردن لە پاڵەوانێتى کەنداو چى وەرەو سعودیە
ئیشراق
وەفد هەڵوژاردەى کیوکوشنگاى نیشتمانیمان کەفتەڕى وەرەو شانشین عەرەبى سعودى ئەرا بەشداریکردن لە رکابەریەیل پاڵەوانێتى کەنداو 2023.
سەرۆک یەکێتى عیراقى کیوشنگاى ناوەندى عەمار وەهیب لە بەیاننامەیگ ک ئیشراق ئاگادارى بوى وت: تیمەگە لە تەیارەخانەى بەغداوە کەفتنەڕى وەرەو تەیارەخانەى جددە لە سعودیە ئەرا بەشداریکردن لە گرنگترین پاڵەوانێتییگ لە ناوچەى خوەرهەڵات ناوڕاس(پاڵەوانێتى کەنداو)، ک پشتگیرى فراوان و گرنگى گەورایگ لە دەوڵەتەیل کەنداو و شانشین عەرەبى سعودییەوە وەپى دریەید.
جى باسە، وەهیب هەمیش وت: یەکیتییەگەمان پەرووشە ئەرا بەشداری و بەرزکردنەوەى ئاڵاى عیراق لە بوونەیل ناودەوڵەتى سەربار ئەو بارودوخە ک هاتەسە تویش پاڵەوانەیل و یەکێتییەگە لەڕوێ سەختى ئدارى و داراییەوە.