خوەینیشانداین لە بەحرەین رویگیر شا حەمەد کرد.. پەیوەندى محەمەد بن سەلمان چەس؟

ئیشراق

بەیاننامەیگ لە وەزارەت ناوخوەیى سعودیەوە ئاشکراى لەسێدارەداین هاووڵاتیەیلیگ بەحرەینى کرد وە تومەتەیلیگ پەیوەس وە تیرۆر، یەیش لە حاڵەتیگ تویڕەیى و گرژبوینەوە لە چەن ناوچەیگ بەحرەینى ک ئیدانەى رویداگەگە کەنن لەسایەى حاڵەتەیلیگیش لە بیدەنگى فەرمى جیوەجیکریاگ لە مەنامە.

دەسڵاتەیل سعودى وەرجە چەن ساڵیگ تومەت ئاراستەى هاووڵاتیەیلیگ بەحرەینى وەناو "جەعفەر محەمەد عەلى جومعە سوڵتان، و سادق مەجید عەبدولڕەحیم ئیبراهیم سامر" کرد وە تومەت هەماهەنگى وەل شانەیل تیرۆریستى لە دەیشت وەتایبەت لە بەحرەین لەوەر جیوەجیکردن پەلامارەیلیگ لەناوخود سعودیە، و بڵاوکردنەوەى ئاژاوە لەتیان و پەیوەندى وەل تیرۆریستەیل لەناو شانشین عەرەبى سعودى، و پشتگیریکردن تیرۆریستەیل ئەرا ئەنجامداین کارەیل تیرۆریستى، و وەقاچاخبردن ماددەیل و کەبسولەیل ک وەکار تیەریەن ئەرا تەقینەوە لە شانشین و رادەسکردنى وە سەرۆک شانەگە.

وەگوورەى بەیاننامەى ک وەزارەت ناوخوەیى بڵاویکرد، ئەو تومەتبارەیلە رەوانەى دادگاى جەزائیرى کریان و حوکم لەسێدارەداین دەرهەقیان دەرکریا، و ئەو هەردوگ تومەتباریشە لەساڵ 2015 دەسگیر کریانە لەوەخت پەڕینەوەیان لە پیەڵ شا فەهەد لە بەحرەین ئەرا شانشین عەرەبى سعودى ک هەردوگیانیش موسڵمان شیعەن.